Vieiros

O bo momento de forma no que se estaba o Deportivo da Coruña atopouse cun valado chamado Sevilla. O calendario determinou que estes equipos se enfrontaran tres veces nunha semana, e o equipo que adestra Manolo Jiménez sumou neste tempo outras tantas vitorias. O resultado foi a clasificación dos andaluces para os cuartos de final da copa e, na liga, a caída dos coruñeses até a sétima posición, fóra dos postos quen dan acceso directo ás competicións europea.

Despois dos bos resultados que logrou o equipo durante os últimos meses, agora tócalle medir o seu potencial real, xa que nos próximos tres encontros enfrontarase aos equipos máis fortes da liga: Barcelona, Madrid e Vila-real. Será despois destes encontros cando poidamos ver se o Dépor de Lotina vai en serio.