Vieiros

Vieiros de meu Perfil


Edición xeral

RSS de Edición xeral
Análise da revista New Scientist

Do Gliptodonte ao Tigre de Tasmania: dez especies que a ciencia podería "resucitar"

Extinguido o primeiro hai 11 mil anos e en 1936 o segundo, son exemplo de dez animais desaparecidos do planeta con posibilidade de seren recuperados.

Redacción - 09:00 19/01/2009
Mesmo o tigre dentes de sabre, habitual de filmes ou cómics, podería ser recuperábel

Mesmo o tigre dentes de sabre, habitual de filmes ou cómics, podería ser recuperábel

A pé destas liñas poden ver unha estampa que recrea o Gliptodonte ou "Dente de Pedra", un mamífero que corricaba ao seu xeito polo planeta até hai 11 mil anos. Os científicos vencéllano co actual "Armadillo". Ben é certo que se estes acostuman ser animais de apenas tres quilogramos de peso, o antergo deles era un xigante de tres metros e un peso medio de máis dunha tonelada, cun aquel morfolóxico ao vehículo popularmente coñecido como "Escaravello".

É un dos animais que os investigadores consideran que, despois da súa extinción hai séculos, podería recuperarse para o planeta. Unha interesante reportaxe da revista New Scientist analiza esta especulación e fai unha lista coas dez especies extintas que máis posibilidades terían de volver pisar o mundo. Os principais criterios en xogo son a existencia de mostras ben conservadas de ADN, a miúdo debido a corpos dos animais que quedaron conxelados en zonas de baixísimas temperaturas e a existencia na actualidade de especies parecidas susceptíbeis de desenvolveren o embrión.

A lista inclúe ademais o tigre de tasmania, cuxo derradeiro exemplar morreu en cautividade, nun zoolóxico, en 1936. Tamén por exemplo o rinoceronte laúdo ou o oso de cara corta, animal este último até tres veces maior que os actuais osos polares e desaparecidos hai 11 mil anos. Mesmo o tigre dentes de sabre aparece na lista. Iso si, advirten os científicos de que alén de que a fiestra ao futuro permanece aberta para especies de hai algúns milleiros de anos, non sería posíbel revivir especies como os dinosaurios, desaparecidas hai millóns de anos.


4,43/5 (7 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: