Vieiros

Vieiros de meu Perfil


Máis Alá

Xestionado por Vieiros
RSS de Máis Alá
PREMIO AO MELLOR AUTOR NA NOSA LINGUA

Cándido Pazó, Prieto Roca e Eduardo Alonso loitarán polo 'Max' galego

'Tirant lo blanc', de Calixto Bieito, e o espectáculo de danza 'De cabeza', de Teresa Nieto dominan as nominacións aos galardóns das artes escénicas.

Redacción - 17:30 23/01/2009

A obra Tirant lo blanc, dirixida por Calixto Bieito, con sete nominacións, e o espectáculo de danza De cabeza, de Teresa Nieto, con seis, acaparan as nominacións aos Premios Max das Artes Escénicas, que este ano celebrarán a súa XII edición. Séguenlles Argelino, servidor de dos amos, de Teatro de La Abadía e Animalario e Barroco, de Tomaz Pandur, que optan a cinco cada unha.

Na categoría de mellor autor teatral en galego, os candidatos son Cándido Pazó por E ti quen vés sendo?, Eduardo Alonso por Extrarradios (comedia das mulleres desamparadas) e Jose Luis Prieto Roca por O ridículo desamor dun home máis ou menos normal. E ti quen vés sendo? é unha comedia de Talía Teatro baseada no clásico O Anfitrión, de Plauto, sobre as peripecias dos deuses gregos Xúpiter e Mercurio, que se fan pasar por Anfitrión e Sosia na procura do amor de Alcmena. Extrarradios é unha obra de Teatro do Noroeste que fala do encontro casual entre dúas mulleres singulares. Finalmente, a obra de José Luís Prieto Roca, que obtivo xa dous premios Max, foi representada pola compañía 40 pasos.

Ademais, o ferrolán Javier Gutiérrez foi nomidado ao premio na categoría de mellor actor pola súa interpretación na obra Argelino servidor de dos amos. A gala de entrega desta edición celebraráse o luns 30 de marzo no Teatro Cuyás das Palmas de Gran Canaria e será retransmitida por TVE.


4.2/5 (5 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Extrarradios
Extrarradios
E ti quen vés sendo?
E ti quen vés sendo?
O ridículo desamor dun home máis ou menos normal
O ridículo desamor dun home máis ou menos normal