Vieiros

Vieiros de meu Perfil


Edición xeral

RSS de Edición xeral
Conflito en Colombia

As FARC liberarán seis reféns este domingo

A senadora da oposición, Piedad Córdoba, fixo o anuncio. Participarán a Força Aérea Brasileira e o Comité Internacional da Cruz Vermella.

Redacción - 13:45 29/01/2009
Piedad Córdoba

Piedad Córdoba

A senadora colombiana Piedad Córdoba anunciou esta cuarta feira (hora local) que a Forzas Armadas Revolucionarias de Colombia (FARC) entregarán o domingo seis reféns, dos que se descoñece a identidade, que a guerrilla ofreceu liberar unilateralmente en decembro.

A política opositora abriu a posibilidade de que poidan ser postos en liberdade máis retidos e confirmou que a infraestrutura para o operativo xa esta lista. "Xa teño as coordenadas, o vindeiro domingo é a primeira liberación", dixo.

A entrega bloqueouse días atrás porque as FARC pedían a intervención internacional e o goberno de Álvaro Uribe negábase. Finalmente aceptou que participen helicópteros da Força Aérea Brasileira e do Comité Internacional da Cruz Vermella.

Córdoba, nunha entrevista en TeleSur, manifestou que a principal exixencia feita ao goberno de Colombia é que garanta a seguridade de todos os participantes na liberación, que se desenvolverá en tres etapas. "Temos que avanzar cara ao proceso do cambio humanitario", sinalou.


Ligazóns

5/5 (1 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: