Vieiros

Vieiros de meu Perfil


Edición xeral

RSS de Edición xeral
Conflito no paralelo 38

Pyongyang: "As relacións intercoreanas están ao bordo da guerra"

O goberno de Corea do Norte anula todos os acordos políticos e militares co Sur, incluído o relativo á súa fronteira no mar Amarelo.

Redacción - 11:50 30/01/2009
Fronteira entre o Norte e o Sur

Fronteira entre o Norte e o Sur

Corea do Norte anunciou este venres a ruptura de todos os seus acordos políticos e militares coa súa veciña do Sur, á que acusa de querer precipitar a ambos os dous países "ao bordo dunha guerra" logo de varios meses de tensións.

"A confrontación do Norte e o Sur nos campos político e militar alcanzou extremos tales que as relacións intercoreanas están ao bordo da guerra", advertiu a Comisión para a Reunificación Pacífica de Corea nun comunicado oficial.

O organismo norcoreano que promove as relacións transfronteirizas afirmou que todos os acordos políticos e militares co Sur quedaron anulados, incluído o relativo á súa fronteira en augas do mar Amarelo.

Esta zona en litixio, delimitada unilateralmente pola ONU logo da guerra de 1950-1953, foi escenario de combates en 1999 e 2002. Pyongyang nunca aceptou esa solución e reclama unha nova fronteira, ao que se nega Seúl.

Ao respecto da nova situación, o goberno surcoreano acusou os seus veciños do norte de querer "chamar a atención" do novo presidente dos Estados Unidos, Barack Obama.


5/5 (2 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: