Vieiros

Dous mortos é o triste balance da xornada deste mércores no eido laboral galego. O primeiro dos accidentes acontecía en Lugo, concretamente na parroquia de San Xoán de Pena, en Nadela. Cara as oito da mañá, un traballador de 47 anos de idade e natural de Touro (Comarca de Arzúa) faleceu logo de quedar atrapado pola cintura nunha máquina da empresa de transformación de madeira na que traballaba. Ao lugar desprazáronse efectivos policiais e do 061 que non puideron facer máis que constatar a morte.

O segundo sinistro acontecía a media mañá no parque eólico de Zas (Comarca de Terra de Soneira). O traballador morreu logo de quedar atrapado no disco de xiro dun dos muíños de vento. Tamén até a zona se trasladaron efectivos de Protección Civil, unha ambulancia asistencial do 061 ou os bombeiros que non puideron facer nada pola súa vida.