Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
FÚTBOL SALA

O Burela vai de festa cos seus seareiros

O Pescados Rubén Burela organiza un festival de orquestras para celebrar a súa boa tempada, na que xa acadou a clasificación para a fase de ascenso.

Redacción - 10:40 12/02/2009
Os seareiros do Burela van de festa o 6 de marzo

Os seareiros do Burela van de festa o 6 de marzo

O vindeiro 6 de marzo Burela está de festa para celebrar o bo ano do seu equipo de fútbol sala. O Pescados Rubén Burela organiza a primeira edición do Festival das Orquestras Burela FS que provocará unha gran festa no porto burelao, dende as 23.00 hora, coas orquestras Sintonía, Panorama e París de Noia. O motivo é a celebración do gran ano que completou o cadro adestrado por Juan Antonio Miguel García, que ocupa actualmente a primeira posición da División de Prata Norte e ten asegurada a súa presenza na loita polo ascenso.

Liga de ascenso

Ao Burela FS fáltanlle só dous partidos para pechar a liga regular e xa pensan no xeito de celebrar o bo ano que están realizando. Mais vai ser unha celebración efémera, porque o 21 de marzo comeza unha liga a ida e volta na que participarán os seis primeiros equipos da súa división. A última xornada deste pequeno campionato xógase o día 30 de maio e o primeiro clasificado acadará a clasificación directa para a División de Honra.

Para daquela espérase que o Burela FS prepare unha festa aínda maior, coa idea de celebrar a unión do seu nome aos de Lobelle e Ázkar como representantes do país na máxima categoría do fútbol sala estatal.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: