Vieiros

Vieiros de meu Perfil


Edición xeral

RSS de Edición xeral
MÍNIMO HISTÓRICO

O Euribor volve a baixar en febreiro e sitúase no 2,14%

Os propietarios que revisen a súa cota terán rebaixas de entre 180 e 260 euros.

Redacción - 11:27 27/02/2009

A de febreiro é a maior caída anual do Euríbor, dende que se crease este indicador. A un día de rematar o mes, a referencia para fixar a maioría das hipotecas en Galiza situou a súa media mensual no 2,14%, 0,476 menos que en xaneiro, e moi lonxe do 4,349% de hai preto de 12 meses. As boas noticias para os cidadáns afectados pola recesión económica non rematan aí, segundo os expertos a previsión é que continúe baixando animado pola previsíbel baixada dos tipos de interese por parte do Banco Central Europeo (BCE).

Casos concretos
Aqueles que fagan a revisión semestral ou anual da súa hipoteca no vindeiro mes serán os beneficiados desta nova baixada. Para un crédito de 150 mil euros a pagar en 25 anos, a rebaixa cifrarase en 180 euros mensuais, máis de 2.100 ao ano. Se a comparación se fai con seis meses atrás, o aforro é aínda máis elevado, 266 euros ao mes e 3.200 anuais.

Tamén baixan os prezos
Outro dato coñecido este venres é o da inflación. O Índice de Prezos ao Consumo Harmonizado no Estado Español caeu unha décima en febreiro e situou a súa taxa anual no 0,7%. É o sétimo descenso consecutivo e a cota máis baixa de crecemento dende xuño de 1969, segundo os datos do Instituto Nacional de Estatística (INE).

Mentres non se coñezan os datos definitivos, o vindeiro 12 de marzo, a previsión é que esta baixada se deba, unha vez máis, ao efecto da cotización do petróleo e, en menor medida, ao remate das rebaixas e ao descenso do prezo dalgúns alimentos.


Ligazóns

0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: