Vieiros

Vieiros de meu Perfil


Eleccións Galiza 2009

RSS de Eleccións Galiza 2009
Máis anécdotas da xornada electoral

Negándolle o saúdo a Baltar

Varios interventores do PSdeG néganse a falar co presidente provincial do PPdeG en Ourense, ao tempo que lle recriminan o seu xeito de actuar durante a campaña.

Redacción - 14:15 01/03/2009
Baltar, saudando a Feijoo

Baltar, saudando a Feijoo

Outra das noticias que máis chamaron a atención este domingo a pé de urna foi a negativa de varios interventores e militantes do PSdeG en Ourense de negarlle o saúdo ao presidente provincial, Xosé Lois Baltar. Un deles foi o segundo interventor dos socialitas no colexio electoral do CEIP Manuel Sueiro, que se negou a falar con Baltar e increpouno, solicitándole que "moderase a súa linguaxe". O interventor referíase ás declaración nas que o presidente provincial insultaba o actual conselleiro de Medio Ambiente, Manuel Vázquez (PSdeG).

Segundo explicou o propio Baltar á saída do colexio electoral el "simplemente" lle contestou "que a súa misión como interventor non é esta, que el non está aquí para dirixise a min", senón para "coidar que se sigan as normas na mesa", sinalou. Ao tempo, Baltar asegurou que, ao ir saudar a outros interventores, estes "non lle deron a man" e rexeitaron o seu saúdo, cousa que o popular ve como unha proba "do talante, do nerviosismo e da situación que se vive aquí", sentenciou.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: