Vieiros

A empresa Finsa está de loito logo de que morrese o seu presidente, Santiago García Baliña. Presidente do consello de administración e conselleiro delegado da compañía, faleceu a consecuencia dun infarto cando regresaba a Galiza dunha viaxe. Máis coñecido como Tito Cambón, asumira o cargo logo da morte do seu irmán hai preto dun ano.

Nacido en Ames (A Coruña), en 1941, desenvolveu xunto coa súa familia a súa carreira profesional nesta empresa de fundara o seu pai e que xa está ligada á historia forestal de Galiza. Na actualidade, Finsa é o primeiro grupo madeireiro do Estado Español e conta cuns 3.400 traballadores, 22 fábricas (10 en Galiza e Portugal) e unha rede de oficinas comerciais que se reparten por todo o mundo. A facturación do ano pasado ascendeu a 1.491 millóns de euros, o que converte á compañía no quinto grupo empresarial galego.

Este venres será enterrado nun acto íntimo e familiar e o vindeiro luns celebrarase un funeral na súa honra na compostelá igrexa de San Francisco.