Vieiros

Vieiros de meu Perfil


Canal Verde

Xestionado pola Federación Ecoloxista Galega e Vieiros
RSS de Canal Verde
Recomendación da FAO

A aposta pola sustentabilidade no monte, fonte de traballo

A Organización das Nacións Unidas para a Agricultura e a Alimentación di que a xestión forestal sostíbel crearía 10 millóns de empregos no mundo.

Redacción - 10:40 15/03/2009

Na semana que entra celébrase a Semana Forestal Mundial, unha iniciativa das Nacións Unidas que acollerá en Roma os seus actos principais, coa xuntanza do Comité Forestal da Organización das Nacións Unidas para a Agricultura e a Alimentación (FAO). Aproveitando estas datas, Jan Heino, director xeral do ramo nesta organización internacional, destacou recentemente o potencial da xestión forestal sostíbel desde un punto de vista económico.

De xeito concreto, a reunión da FAO ten entre os seus obxectivos fundamentais a análise e intercambio de ideas acerca da xestión sustentábel dos bosques do planeta. Jan Heino achegou un dato específico: 10 millóns de empregos "verdes" poderían ser creados en todo o mundo en pouco tempo co impulso de novas prácticas e servizos sustentábeis en todo o relacionado coa xestión forestal. O representante da FAO salienta a importancia de aproveitar o contexto de crise non só para axudar a combater o desemprego con iniciativas novidosas senón para contribuír a reducir taxas de pobreza e mellorar o medio ambiente.


5/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: