Vieiros

Participación, debate de ideas e unidade foron os tres eixos subliñados este venres polos voceiros do sector do que no seu tempo foi Movemento pola Base, que decidiu permanecer integrado no BNG. Na intervención pública no Clube Internacional de Prensa anunciaron que continúan traballo agora baixo as siglas de Movemento Galego polo Socialismo. "E a nosa opción estratéxica segue a ser o traballo no BNG", subliñaron.

Diante do proceso de debate interno no BNG, anuncia que asisten coas premisas da participación, "queremos acadar a maior participación posíbel dentro dese debate". "Cremos tamén que esa asemblea debe ser fundamentalmente una asemblea de debate de ideas, todo o mundo ten que achegar as súas propostas, as súas posicións", expoñen. Por último, afirman agardar que sexa unha asemblea "que contribúa á unidade do nacionalismo dentro da pluralidade, que é evidente, pero ten que prevalecer ese afán de unidade".

Poden ampliar na web Polabase.org.