Vieiros

Vieiros de meu Perfil


Edición xeral

RSS de Edición xeral
Cara á constitución do Parlamento

O PPdeG contará con tres dos cinco membros da Mesa da Cámara e o PSdeG estuda cederlle un dos seus ao BNG

A Mesa do Parlamento reflectirá a maioría absoluta que o PPdeG obtivo nas pasadas eleccións do 1 de marzo.

Europa Press - 20:15 23/03/2009

Os populares ocuparán tres dos cinco postos co que conta este órgano, mentres que o PSdeG estuda ceder un dos dous que lles corresponden ao BNG. Segundo o regulamento da Cámara, o día da constitución do Parlamento, o próximo 1 de abril, os membros da Mesa serán elixidos en tres roldas de votación. Na primeira, é escollido o presidente despois de que cada deputado escriba un nome nunha papeleta; mentres que os dous vicepresidentes se seleccionan a través do mesmo procedemento, pero simultaneamente, ao igual que o secretario e o vicesecretario.

Desta forma, aos populares corresponderíalles a Presidencia do Parlamento, a Vicepresidencia Primeira e a Secretaría; e os socialistas obterían a Vicepresidencia Segunda e a vicesecretaría. Non obstante, fontes do PSdeG consultadas por Europa Press móstranse partidarios de repartir a súa representación co BNG, para o que remiten a futuras reunións entre os grupos.

O primeiro paso para constituír o Parlamento da VIII Lexislatura darase o próximo xoves, cando se efectuará a asignación provisional de escanos. Esta decisión será adoptada pola Mesa da Deputación Permanente, que se reunirá cos voceiros que designen cada un dos tres grupos e que non teñen por que ser os mesmos que o día da sesión constitutiva da Cámara nin o resto do mandato.

Media hora antes desta reunión, a Mesa da Deputación Permanente reunirase nunha sesión anterior para, entre outros temas, detallar os resultados electorais xerais e por circunscricións do pasado 1 de marzo, así como os deputados electos. Tamén tomará coñecemento das credenciais, da declaración de actividades e declaracións de bens patrimoniais dos deputados.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: