Vieiros

Vieiros de meu Perfil


Edición xeral

RSS de Edición xeral
Mudanzas en Europa

O quecemento global obriga a mover lindes nos Alpes

Italia e Suíza acordan redebuxar as súas fronteiras na cordilleira que os separa, logo de se acelerar o proceso de desxeo nos últimos cinco anos.

Redacción - 12:00 25/03/2009
Imaxe de satélite

Imaxe de satélite

Os gobernos de Italia e Suíza decidiron revisar a súa liña fronteiriza despois de que o quecemento global do planeta acelerase nos últimos cinco anos o proceso de desxeo dos glaciares na cordilleira dos Alpes, segundo informa a prensa local.

Daniel Gutknecht, responsábel do goberno suízo na materia, declarou que "a fronteira se está a mover como consecuencia dun clima máis morno", entre outra razóns. Esta liña fixouse por última vez en 1861, cando Italia se converteu nun estado unificado.

O Cervino, afectado

As áreas afectadas inclúen o Monte Cervino (ou Matterhorn), un dos máis coñecidos da cordilleira. No entanto ningunha localidade se verá na obriga de mudar de país, xa que o linde discorre a unha altura de catro mil metros de altitude. A nova fronteira non se decidirá até finais de abril, cando o parlamento italiano aprobe unha lei que permita o cambio.

Luca Mercalli, recoñecido meteorólogo italiano, afirmou que o desxeo dos glaciares -constante, mais lento durante os últimos cen anos- "comezou a se acelerar dende o caloroso verán de 2003". "Por primeira vez, á altitude de catro mil metros a temperatura subiu dos 0ºC, e a morfoloxía das montañas principiou a mudar", dixo.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: