Vieiros

Vieiros de meu Perfil


Edición xeral

RSS de Edición xeral
Arrinca a nova lexislatura

Avance no camiño da paridade: un 40% de deputadas

Se hai catro anos un terzo dos escanos foi ocupado por mulleres, desta volta serán 30 as deputadas, nun Parlamento de 75 asentos.

Redacción - 09:00 31/03/2009

Un total de 30 deputadas ocuparán escano no Parlamento de Galicia en representación dos cidadáns desde este mércores. A maioría serán no espazo do grupo parlamentario do PPdeG, 13 sobre o total de 38. Xa que logo, comparativamente o BNG é o único grupo en cumprir coa paridade, xa que os escanos gañados polo nacionalismo serán ocupados a partes iguais: seis mulleres e seis homes.

No verán de 2005, só un terzo do Parlamento daquela constituído fora ocupado por mulleres. Daquela, 24 foran as elixidas, oito populares (21%), dez socialistas (40%) e seis nacionalistas (46%).

Máis polo miúdo, segundo formación política:
Grupo parlamentario do PPdeG: 13 deputadas do total de 38
Grupo parlamentario do PSdeG-PSOE: 11 de 25
Grupo parlamentario do BNG: 6 de 12

O reparto provincial:
N'A Coruña: 10 deputadas dun total de 24 parlamentarios
En Lugo: 6 deputadas dun total de 15 escanos
En Ourense: 6 parlamentarias dun total de 14 representantes
En Pontevedra: 8 parlamentarias dun total de 22 escanos

O total: 30 deputadas nunha Cámara de 75 representantes (o 40% do total)


3/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: