Vieiros

Vieiros de meu Perfil


Euskadi

Edición xestionada por Vieiros
RSS de Euskadi
Esta cuarta feira, en Gasteiz

PP e PSE asinan o acordo político para investir a Patxi López como lehendakari

O documento, que se fixo público a pasada segunda feira, permitirá que o socialista tome o poder en Euskadi, e que a popular Arantza Quiroga presida o Parlamento.

Redacción - 09:00 02/04/2009
No momento de asinar o pacto

No momento de asinar o pacto

A sinatura do acordo político entre PSE e PP para investir a Patxi López lehendakari -que se fixo público a comezos desta semana-, fíxose, finalmente, esta cuarta feira en Gasteiz. A ela acudiron o secretario de Organización do PSE-EE, Rodolfo Ares; o presidente do PSE-EE, Jesús Egiguren; o secretario xeral do PP en Euskadi, Iñaki Oyarzábal; e o seu voceiro, Leopoldo Barreda.

O acordo de bases, que segundo ámbolos dous partidos, "ha abrir unha nova etapa para unir a sociedade", ha permitir, alén de que o socialista López sexa designado lehendakari, que a popular Arantza Quiroga presida o Parlamento Vasco.

Porén, non se quixo escenificar en ningún momento a unidade de ámbolos dous grupos, xa que, ao terminar de asinar o documento, compareceron ante os medios, por separado, Ares e Oyarzábal, para valorar un pacto que, segundo dixeron, "ha dotar de estabilidade o goberno". Alén disto, o secretario de Organización do PSE-EE tamén revelou que é previsíbel que o goberno vasco estea constituído en maio.

A noticia nos diarios vascos:


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: