Vieiros

Vieiros de meu Perfil


Fwwwrando

RSS de Fwwwrando
EVOLUCIÓN DO SECTOR

Tres editoriais catalás apostan polo libro electrónico

Comezan a distribuír os primeiros e-books en catalán, e mesmo prevén vendelos en librarías no Sant Jordi mediante a entrega de códigos de descarga.

Redacción - 18:10 02/04/2009

Un grupo de editoriais independentes catalás, agrupadas arredor do portal edi.cat, decidiu apostar pola venda de libros electrónicos na súa lingua propia. Os editores Angle, Bromera e Cossetània recoñeceron unha conferencia de prensa que o libro dixital provocará o retroceso do libro en papel, e que os e-books "contribuirán a que a lectura non se extinga".

Segundo explica Vilaweb, o libro dixital enceta un novo canal, pero non lles afectará aos contidos. Na web da edi.cat xa se poden mercar una vintena de libros e a final de mes chegarán aos 50. A intención das tres editoriais é que todos os seus novos lanzamentos se publiquen en formato papel e dixital.

Segundo o grupo de editores, os libros dixitais custan o 60% do libro impreso, mantendo a mesma marxe de ganancias. Ademais, anunciaron que durante a campaña de Sant Jordi os libros electrónicos tamén se poderán adquirir en librarías. Serán uns folletos cun código que se deberá introducir na web de edi.cat para obter o arquivo do libro.


4.33/5 (3 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: