Vieiros

Vieiros de meu Perfil


Edición xeral

RSS de Edición xeral
Reproches internacionais

Confirman que Corea do Norte puxo un foguete no espazo

Corea do Sur, Xapón e Estados Unidos condenaron especialmente o lanzamento do "satélite". O presidente dos EUA insta os coreanos a evitar máis "accións de provocación".

Redacción - 10:00 05/04/2009

Apenas un día despois de que o goberno norcoreano afirmara oficialmente que finalizaba os preparativos do lanzamento dun "satélite experimental de comunicacións", a administración do país confirma o éxito da operación. Desde Seúl, a capital da veciña Corea do Sur, consideran que o proxectil é en realidade un "mísil de longo alcance" e advertiron que responderan "con firmeza" á provocación.

Desde o Departamento de Estado do goberno de Barack Obama confirmaban tamén nas últimas horas a detección do foguete, malia que non se achegan datos polo momento sobre a valoración do tipo de proxectil. "Estados Unidos dará os pasos apropiados para que Corea do Norte saiba que non pode ameazar a seguridade doutros países con impunidade", expuxo en conferencia de prensa un voceiro da Casa Branca. Nunha declaración escrita, o presidente dos EUA afirma que con esta acción Corea do Norte esquece as advertencias recibidas e afonda no seu "illamento da comunidade internacional".

Recomendámoslles ampliar en:


3/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: