Vieiros

Vieiros de meu Perfil


Edición xeral

RSS de Edición xeral
Carlos Aymerich (BNG)

"Feijoo fai propostas contrarias aos intereses do país"

Moi belixerante coa intervención do candidato do PP mostrouse o voceiro do Bloque, quen dixo ver o discurso dun "político conservador" con formas "autoritarias".

Redacción - 15:35 14/04/2009

"Agardaremos a que faga concrecións e non se refira só a lugares comúns e ideas que calquera podería afirmar", indicou Carlos Aymerich, voceiro do grupo parlamentario do BNG, opinando que Núñez Feijoo fixo este martes un discurso "baleiro" e só coherente "coa campaña xa realizada polo seu partido, onde a verdade non era unha prioridade".

Aymerich censurou por exemplo a chamada de Feijoo a "camiñar todos xuntos" fronte á crise, advertindo que tal tipo de frase non significada nada por si mesma "se non aclara con quen vai estar el". Ao fío, agoirou o voceiro nacionalista que da intervención do líder do PP se extraería a idea de que as grandes empresas terán máis peso nas políticas a deseñar polo novo executivo do que o pequeno e mediano empresariado. Considera Aymerich que Feijoo non asumiu compromisos e só destacou "medidas negativas". Nesa liña criticou as referencias do candidato á revisión do decreto eólico e á anulación ou derrogación de decretos como o do galego, acusándoo de querer dar "marcha atrás" ás "conquistas sociais acadadas durante estes últimos catro anos".


4,86/5 (7 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: