Vieiros

Aos poucos, vanse desvelando os nomes dos conselleiros do goberno de Alberto Núñez Feijoo. Segundo confirmou o PPdeG nun comunicado enviado aos medios, Alfonso Rueda Valenzuela, de 40 anos e avogado de profesión, é o escollido para dirixir a Consellaría de Presidencia.

Rueda renunciará á súa acta de deputado no Parlamento, onde será substituído por Alejandro Gómez Alonso, responsábel de organización do PPdeG. Ao tempo, compatibilizará este cargo co de secretario xeral do partido, polo menos até o vindeiro congreso, que se celebrará en maio.