Vieiros

"Non significa que se estea saíndo da crise", apuntan desde o grupo empresarial automobilístico, indicando que se trata dun aumento de produción "puntual". Unha "mellora" da que afirman non necesariamente se estenderá no tempo pero que a curto prazo significa un significativo aumento de produción.

Na práctica, esa demanda extra de arredor dos 25 mil coches permitirá o mantemento da quenda de noite do chamado sistema 1, que Citroën tiña previsto pechar o próximo 30 de abril e que agora continuará cando menos até setembro. O grupo PSA atribúelle a viraxe na tendencia ao aumento da venda en países como Alemaña, Francia e Italia, debido ás axudas impulsadas para o estímulo do mercado da automoción.