Vieiros

Vieiros de meu Perfil


Edición xeral

RSS de Edición xeral
Cambio de "nomes" e de "modelo"

Barcón perfílase como número dous do PSdeG que liderará Manuel Vázquez

O congreso extraordinario dos socialistas podería reducir á metade as secretarías que pilotarán a nova executiva.

Redacción / EP - 09:00 24/04/2009

De dúas ducias de nomes que en 2008 entraron na nova executiva do PSdeG o próximo organigrama dos socialistas galegos podería caer a un esquema de apenas once ou doce nomes, que repartirán as diferentes secretarías temáticas nas que se organiza internamente a executiva do partido.

Á fronte, a candidatura impulsada polo ourensán Manuel Vázquez, principal e se cadra único aspirante a secretario xeral do PSdeG-PSOE, estaría disposta a manter a coruñesa Mar Barcón como secretaria de Organización desta formación política. A anunciada desaparición do cargo de vicesecretario xeral, creado na anterior cita congresual para Ricardo Varela, ex conselleiro e ex secretario de Organización, deixaría reforzada a deputada herculina como nova número dous do partido. Desde o contorno do partido falan dun cambio "importante", cunha renovación de caras "e xeracional" que creará un grupo pequeno e "forte" encargado de pilotar unha "alternativa real de goberno".


3.6/5 (5 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: