Vieiros

Vieiros de meu Perfil


Edición xeral

RSS de Edición xeral
O Europarlamento rexeita a suxestión

A Comisión Europea recomenda unha redución drástica da flota pesqueira

Un informe do executivo europeo critica que as presións políticas están freando os recortes de cota necesarios para garantir o futuro dos caladoiros.

Redacción - 09:00 24/04/2009

"O informe confirma algo que os grupos ecoloxista veñen dicindo desde hai anos: que hai demasiados barcos perseguindo moi poucos peixes". Velaí o resumo que realiza Richard Black, especialista en asuntos medioambientais da BBC, ao respecto deste informe da Comisión Europea, avanzado pola canle pública británica ao comezo desta semana.

O texto foi tratado este mércores polo Parlamento Europeo, onde a maioría de deputados votou en contra do recorte da flota proposto pola Eurocomisión, pero fíxoo a favor do reforzamento do control sobre o cumprimento das normas da Política Pesqueira Común. Os eurodeputados tamén rexeitaron a introdución de maior transparencia no reconto de capturas nas augas europeas e en contra de que o executivo comunitario decida unilateralmente sobre redución de cotas de especies.

No documento elaborado pola Comisión advírtese sobre o decrecemento das reservas pesqueiras no contorno da UE e analízase a responsabilidade que nesa situación teñen as propias administracións. Segundo avalía o texto, a presión política para o apoio financeiro á industria do sector evita a introdución dos recortes de cota que serían imprescindíbeis para garantir a sostibilidade e futuro dos caladoiros.


2/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: