Vieiros

Vieiros de meu Perfil


Edición xeral

RSS de Edición xeral
ALERTA

A OMS teme que a gripe porcina poida converterse nunha pandemia

A directora xeral deste organismo internacional, Margaret Chan, recoñece a gravidade da emerxencia sanitaria decretada en México.

Redacción - 18:00 25/04/2009
Tags:

O brote de gripe porcina detectado en México e no sur do Estados Unidos podería converterse nunha grave pandemia mundial. A directora xeral da Organización Mundial da Saúde (OMS), Margaret Chan, asegurou este sábado que existe esta posibilidade debidio á transmisión da infección que se está a dar entre as persoas. Porén, matizou que polo de agora é moi pronto para afirmar rotundamente que se vai cumprir a hipótese.

A nova gripe semella ser unha mutación da gripe porcina, combinada coa aviaria e coa humana. Polo de agora xa hai confirmadas 20 mortes en México, onde se detectou un milleiro de casos e nas próximas horas poderían confirmarse outras 48 que semellan estar relacionadas coa epidemia. En EUA tamén hai constancia de oito persoas que sofren o mal, aínda que, en principio, non se teme pola súa vida.

Poden ampliar a información do que está a acontecer en México (principal país afectado) en: Diario de México, El Universal, Reforma e La Jornada . Tamén en BBC América Latina (vídeo)


1/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: