Vieiros

Vieiros de meu Perfil


Máis Alá

Xestionado por Vieiros
RSS de Máis Alá
PRESENTOUSE EN BOS AIRES

O Congreso do IBBY en Compostela será en setembro de 2010

Autores, editores e investigadores do libro infantil e xuvenil de todo o planeta reuniranse na Cidade da Cultura nesas datas.

Redacción - 15:40 27/04/2009

Trátase do máis importante evento relacionado coa literatura infantil e xuvenil que cada dous anos ten lugar no mundo. Baixo o tema xeral 'A forza das minorías' o 32º Congreso Internacional de IBBY será unha oportunidade única para ver e escoitar en Galiza a persoeiros da creación literaria, da ilustración, do cinema de animación, da promoción da lectura, do pensamento e do ensino.

Asemade, e baixo o patrocinio da Raíña Marguette II de Dinamarca, entregaranse as Medallas Hans Christian Andersen, os chamados Premios Nóbel da Literatura Infantil.

Xosé Antonio Neira Cruz, Comisario do Congreso e único membro galego de IBBY, falou da importancia da celebración deste evento en Galiza, un fito histórico, e reflectiu que o obxectivo do mesmo, polo que se está a traballar, é sentar as bases que sirvan de alicerce a unha conciencia renovada en canto á presenza, moitas veces calada, das minorías, incluíndo os novos grupos que xurdiron como consecuencia da evolución dos pobos.


3.75/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: