Vieiros

Vieiros de meu Perfil


Edición xeral

RSS de Edición xeral
CO NOVO GOBERNO

Pescanova non descarta retomar o proxecto piscícola de Touriñán

A multinacional pospón, de momento, a planta de rodaballo mais non desbota proseguir coa iniciativa dentro duns anos.

Redacción - 13:15 04/05/2009

"Ninguén ten nas súas mans unha bola de cristal para saber cales serán as circunstancias nos vindeiros anos", dixo o presidente de Pescanova, Manuel Fernández de Sousa-Faro, ao respecto dunha futura planta piscícola en Touriñán. Na actualidade este proxecto está posposto, tal e como recoñeceu o dirixente da multinacional, logo de que a Xunta de Galiza rexeitase esta situación no seu plan acuícola pola súa afección á Rede Natura e polo forte impacto paisaxístico que causaría. Con todo, Fernández de Sousa deixou a porta aberta ao seu desenvolvemento futuro e subliñou que non descarta retomar a iniciativa nos vindeiros anos.

Deste xeito e segundo informa a axencia internacional de noticias Fis, lamentou que se tivera perdido "unha grande oportunidade", xa que para levar adiante o proxecto, Pescanova carece agora dos fondos europeos necesarios, ademais de estar inmerso noutras iniciativas. Así, amosou o seu pesar porque, por mor daquela decisión da Xunta, non se puidera xerar "nin emprego nin riqueza" na zona, como si tería pasado de levarse adiante a construción da piscifactoría.

Outros proxectos
Na actualidade, Pescanova traballa na consolidación das súas fortes inversións na planta de rodaballo de Mira (Portugal) e nunha granxa de cultivo de langostino en Nicaragua. Ademais, a compañía ten entre os seus obxectivos ampliar a instalación da súa filial Insuíña, no concello de Oia.


1,17/5 (6 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: