Vieiros

Vieiros de meu Perfil


Edición xeral

RSS de Edición xeral
Balance do desemprego en abril

A UXT lembra que en termos interanuais o paro medra un 31,87%

Reclaman ampliar as prestacións por desemprego, que agora mesmo só cobren 0 60% dos parados.

Redacción - 13:45 05/05/2009
Tags: paro UXT

A preocupación pola elevada porcentaxe de persoas sen emprego que non reciben ningún tipo de prestación económica, catro de cada dez parados en Galiza, é un dos datos sobre os que UXT-Galicia chama a atención á luz das cifras coñecidas este martes. Recordan desde o sindicato que a nivel estatal un 71,3% dos desempregados contan con algún tipo de axuda, mentres que só o 60% contan con cobertura en Galiza.

"Isto vai esixir do Goberno unha toma de conciencia de que é o momento das políticas públicas con maiúsculas e de retomar a senda do diálogo social", expoñen, chamando a Xunta a facer un esforzo en gasto público, tanto pola vía da protección, a través das rendas de inserción laboral, como pola vía de "mudar o patrón de crecemento", apostando pola formación, cualificación e innovación. Ao respecto destes desafíos subliñan a importancia de desenvolver medidas incluídas no seu momento no Pacto pola Competitividade e no Acordo polo Emprego.

Salientan ademais desde a UXT que a Xunta debera aumentar orzamentos para o salario de inserción laboral, coa fin de intentar axudar a aqueles que xa esgotaron as prestacións por desemprego. Recordan ademais a fenda existente entre o desemprego peneirado polo INEM, con 210.662 desempregados, e a Estatística de Poboación Activa (EPA), con 162.700 parados no primeiro trimestre de 2009. Piden por tanto un cambio na metodoloxía, que corrixa ese desequilibrio nos datos. Recordan que o Plan Galego de Estatística recollía xa a recomendación para a ampliación da mostra en Galiza para que os datos sexan máis fiábeis, a 8.600 vivendas, máis do dobre do analizado agora.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: