Vieiros

Vieiros de meu Perfil


Edición xeral

RSS de Edición xeral
SOLIDARÍZANSE COS TRABALLADORES

Os sindicatos denuncian a "conivencia" dos gobernos no ERE de Pascual

Difundiron un comunicado conxunto coas cooperativas no que expresan o seu temor a que a inseguridade laboral se espalle por todo o sector.

Redacción - 19:45 06/05/2009
Planta de Pascual

Planta de Pascual

As principais centrais sindicais que operan no rural (UU.AA, SLG e XX.AA) e as cooperativas integradas na AGACA emitiron este mércores un comunicado conxunto en referencia ao expediente de regulación de emprego anunciado por Pascual. Na nota critican a actitudes dos gobernos no marco das actuais políticas agrarias e expresan a súa solidariedade cos traballadores da factoría de Outeiro de Rei que ven perigar os seus postos de traballo.

Cualifican no texto o ERE anunciado por Pascual como "unha consecuencia clara das intencións da distribución multinacional, coa conivencia dos gobernos". Falan de produtoras e produtores como principal vítima desta tendencia porque os obriga a vender o leite "pola metade do seu custo, baixo estratexias como o envasado en marcas brancas propiedade destas mesmas multinacionais".

Ademais, recoñecen na inseguridade laboral dos traballadores de Outeiro de Rei unha tendencia que pode sacudir ao resto das pezas que compoñen o sector leiteiro do país. Así afirman que as 13.000 explotacións que hai hoxe "teñen moi comprometido o seu futuro", algo que se amplía aos milleiros de empregos que dependen deste sector.

O BNG pídelle ao Goberno a elaboración dun Plan Lácteo
O Bloque Nacionalista Galego esixe ao executivo de Núñez Feijoo que comece a traballar na aplicación dun Plan Lácteo, recordándolles que a medida anunciada para a factoría de Outeiro de Rei "vai contra a liña de traballo prioritaria do Goberno de combater o paro como máxima prioridade e recuperar a senda da creación de emprego".

O PP culpa o goberno estatal
O Partido Popular tamén emitiu un comunicado no que afirma que a actual situación "é unha consecuencia directa da pésima negociación do vixente sistema de cotas" que realizou o goberno estatal. Ademais criticaron a ourensá Elena Espinosa, actual ministra de Medio Rural, á que chaman "renegada" por unha actitude que cualifican como "insensibilidade co agro galego".


4,75/5 (4 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: