Vieiros

Vieiros de meu Perfil


GZ-Sete

Edición xestionada por Vieiros
RSS de GZ-Sete
MEDIDA DE PROTESTA CONTRA OS DESPIDOS

A CIG anima aos condutores a pagar con céntimos na peaxe de Rande

Ademais, a central sindical insta a non pagar no caso de producirse retencións, xa que entenden que se trata dun pago destinado a circular en condicións óptimas de fluidez.

Redacción - 11:45 13/05/2009
Peaxe

Peaxe

A federación de Construción da CIG nas comarcas de Vigo e Pontevedra pediu aos usuarios das autoestradas AP9 e AG57 que fagan o seu pago con moedas pequenas, como modo de presión para a readmisión de traballadores recentemente despedidos. Esta presión iría dirixida á empresa concesionaria da xestión de esta vía, Valoriza Conservación de Infraestruturas, para pedirlle que se reactiven as conversas nas que se trataba a readmisión dos 12 traballadores recentemente despedidos.

A CIG lémbralle aos usuarios destas vías que non quebrantan ningunha norma legal pagando a peaxe con moedas pequenas. Recórdalles tamén que "no caso de sufrir retencións non están obrigados a satisfacer o importe da peaxe, xa que esta é un cánon que, máis que para poder circular polas autoestradas, abónase por facelo nunhas condicións de seguridade e fluidez óptimas".


4.83/5 (6 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: