Vieiros

Vieiros de meu Perfil


Edición xeral

RSS de Edición xeral
Comisaria europea

Lituania escolle, por primeira vez, unha muller para ocupar a presidencia

Dalia Grybauskaite foi elixida presidenta do país na primeira volta das eleccións este domingo, co 69% dos votos válidos.

Redacción - 08:00 18/05/2009
Dalia Grybauskaite no momento de emitir o seu voto

Dalia Grybauskaite no momento de emitir o seu voto

A comisaria europea Dalia Grybauskaite foi elixida presidenta de Lituania na primeira volta das eleccións este domingo, co 69% dos votos válidos, segundo os resultados publicados esta segunda feira pola comisión electoral central do país, en base aos 99,34% dos sufraxios.

"Felicito aos lituanos pola súa decisión", declarara horas antes Grybauskaite, quen acrecentou que "o sabor da vitoria é o peso da responsabilidade". A seguir, a vindeira presidenta de Lituania, que será investida o 12 de xullo, sinalou que a súa primeira tarefa vai ser avaliar o traballo do goberno e propoñer a candidatura do primeiro ministro.

Grybauskaite presentouse a estes comicios coma unha candidata independente que facía da transparencia da vida pública e a loita contra os oligarcas os puntos claves do seu programa. A vindeira presidente lituana, quen foi tamén ministra de Finanzas do país, fixouse como primeiro obxectivo "tratar de estabilizar a situación financeira de Lituania para que remonte a costa o antes posíbel". Fronte a outros seis candidatos, e no contexto de crise económica que está afectando gravemente o país, a actual comisaria encargada do orzamento da Unión Europea conseguiu unha clara vitoria, deixando moi por detrás o seu principal rival, o socialdemócrata Algirdas Butkevicius, que colleitou o 11,86% dos votos.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: