Vieiros

Vieiros de meu Perfil


Edición xeral

RSS de Edición xeral
Puntos negros a pé de costa

Os ecoloxistas unen as súas voces contra “a máquina formigoneira da Xunta”

O Viaduto de Noia ou o porto de Massó son sinalados coma "froitos da especulación salvaxe". Unha nova manifestación de Galiza Non se Vende volverao denunciar.

Redacción - 13:00 26/05/2009
Contorno do Salgueirón esta segunda feira / Imaxes tiradas por membros do Foro Social de Cangas

Contorno do Salgueirón esta segunda feira / Imaxes tiradas por membros do Foro Social de Cangas

As agrupacións ecoloxistas galegas volven reivindicar a defensa da nosa costa, que lles semella máis vulnerábel dende a chegada da administración Feijoo, e claman, outra volta, contra a "marbellización de Galiza".

Nesta liña, o vindeiro domingo 31 de maio, a rede Galiza Non se Vende (GNSV) convoca unha nova mobilización en Vigo -partirá ao mediodía da Praza do Concello-, na que volverán denunciar os "continuos maltratos e agresións que soporta o noso litoral, froitos da especulación salvaxe", que, segundo contan, repítese nas políticas "desarrollistas" de todos os Gobernos do país. Días despois, o vindeiro 5 de xuño, está organizado un roteiro polas rúas de Ferrol contra a planta de gas de Reganosa, que sairá ás 20h00 de diante do edificio administrativo da Xunta na cidade.

A recuperación do viaduto de Noia
Dende Adega chega unha nova denuncia referida ao proxecto de construción dun viaduto sobre a Ría de Noia, promovido por Alberto Núñez Feijoo cando era conselleiro de Política Territorial, Obras Públicas e Vivenda, que fora paralizado polo bipartito, e agora foi recuperado pola Xunta.

Os ecoloxistas denuncian que o Goberno non atendeu ás demandas dos veciños, a confraría e os mariscadores, e segue adiante cun proxecto que, segundo din, "dará de fronte" contra un LIC (Lugar de Importancia Comunitaria) da Rede Natura, e contra a riqueza marisqueira da Ría de Noia, "afectando a paisaxe litoral e provocando cambios de correntes que mudarían a composición e profundidade da enseada".

Os portos deportivos de Cangas e de Cabo de Cruz
Os ecoloxistas tamén denuncian as obras do porto deportivo e a macrourbanización proxectada para o porto do Salgueirón, en Cangas que, segundo contan, "carece de permisos", polo que é "ilegal". (Máis información sobre a reanudación das obras).

Por outro lado, dende a asociación Verdegaia quixeron aclarar a súa postura, contraria ao proxecto de porto deportivo que se está a desenvolver en Cabo de Cruz (Boiro, O Barbanza), lembrando a súa "desproporcionalidade" e o impacto ambiental que terá para o medio. Ao tempo, lembrando que "calquera agresión ao medio págase", sinalaron que eles mesmos serán os primeiros en "alegrarse" no caso de que estean equivocados ao prognosticar as nefastas consecuencias que terá a construción dun macroporto deportivo de 270 mil metros cadrados, en Cabo de Cruz.


4,73/5 (15 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Cartaz das mobilizacións de GNSV para este domingo e o 5 de xuño (clique para ampliar)
Cartaz das mobilizacións de GNSV para este domingo e o 5 de xuño (clique para ampliar)
O actual goberno retomará o proxecto do viaduto na ría de Muros e Noia
O actual goberno retomará o proxecto do viaduto na ría de Muros e Noia
Gamelas deitadas polo temporal en Cabo de Cruz, Boiro / Flickr: certo
Gamelas deitadas polo temporal en Cabo de Cruz, Boiro / Flickr: certo