Vieiros

Vieiros de meu Perfil


Edición xeral

RSS de Edición xeral
Certame de Ponte nas Ondas

Cóntanos do teu tesouro vivo!

Achegando un texto dun máximo de 100 palabras, podedes participar na festa do patrimonio inmaterial galego-portugués.

Redacción - 12:30 27/05/2009

O próximo venres 5 de xuño vaise celebrar a XV Xornada Ponte nas Ondas. Un evento que unha vez máis xuntará voces e esforzos desde Galiza e o Norte de Portugal, a prol do patrimonio cultural común e onde as escolas ás dúas beiras do Miño volven ser protagonistas.

Desta volta, a asociación Ponte nas Ondas e Vieiros convídanvos a participar nun pequecho concurso. En 100 palabras como máximo tedes unha pregunta a responder: Cal é o teu tesouro vivo?. É dicir, cales son as cualidades que máis aprecias da persoa ou grupo que para ti mellor representa o concepto de "tesouro vivo". Non hai limite de idade nin de número de relatos enviados. Agardamos a vosa creatividade e ideas a prol do patrimonio.

Recordade que podemos atopar exemplo de tesouros humanos vivos en calquera destes ámbitos:

1.Nas tradicións e expresións orais nas cales a lingua é soporte da expresión cultural.

2.Nas artes do espectáculo: danzas, cantos, romarías e rituais festivos.

3.Nos usos sociais, rituais e actos festivos que se realizan ao longo do ciclo anual.

4.Nos coñecementos e usos relacionados coa natureza e o universo. Tanto na cultura agraria como marítima encontramos todo un saber asociado a diferentes prácticas e usos.

5.Nas técnicas artesanais tradicionais relacionadas cos oficios e saberes.


Podedes enviar os textos á caixa de correo electrónico: pontenasondas@pontenasondas.org


Ligazóns

4,5/5 (10 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: