Vieiros

Vieiros de meu Perfil


Fwwwrando

RSS de Fwwwrando
Proposta didáctica

A AS-PG presenta un novo xogo en liña, o da Curuxa

A iniciativa, polo momento para un só xogador, está baseada no tradicional xogo da oca, con diversos desafíos.

Redacción - 17:00 01/06/2009
Taboleiro do Xogo da Curuxa

Taboleiro do Xogo da Curuxa

A Asociación Socio-Pedagóxica Galega (AS-PG) puxo na rede un novo xogo, que se suma aos xa existentes Trivial.gz e Letrad@s.gz. Trátase do Xogo da Curuxa, un divertimento baseado no Xogo da Oca e que, polo momento, permite practicar partidas individuais, mais axiña será tamén multixogador a través da rede.

O xogo en liña consiste en lanzar o dado e ir movendo a ficha ao longo dun taboleiro virtual en espiral formado por diferentes cadros. Algunhas desas casas teñen asociadas accións especiais como bonificacións ou castigos. A diferenza do xogo de mesa, cando o xogador ou xogadora cae nun cadro terá que superar unha proba para poder nel ou evitar un castigo.

Para gañar a partida é preciso chegar até o último cadro e superar a súa proba. Dende a AS-PG confían en mellorar esta versión monousuario de cara a que, a comezos do verán, se poida participar na versión final, de varios xogadores.


4/5 (4 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: