Vieiros

Vieiros de meu Perfil


Edición xeral

RSS de Edición xeral
Inédito nomeamento

Rosa Martínez e Rosa Vilas dirixirán Radio Galega e TVG

Logo do nomeamento de Afonso Sánchez Izquierdo como director xeral da CRTVG, por vez primeira dúas mulleres estarán á fronte de tv e radio públicas.

Redacción / Europa Press - 15:00 01/06/2009

Os medios de comunicación públicos de Galiza estarán dirixidos por primeira vez na súa historia por dúas mulleres, co nomeamento de Rosa Vilas como directora da TVG e de Rosa Martínez como directora da Radio Galega, segundo informaron a Europa Press fontes do ente.

Ademais dos nomeamentos destas dúas mulleres, de longa traxectoria profesional vinculadas aos medios de comunicación públicos de Galiza, o até o de agora subdirector xeral de Contratación e Xestión Orzamentaria da Secretaría Xeral de Comunicación, Miguel Rodríguez Barrio, pasará a facerse cargo da dirección económica e financeira da Compañía de Radio Televisión de Galicia (CRTVG).

Estes nomeamentos prodúcense despois de que o pasado venres o xornalista ourensán Afonso Sánchez Izquierdo tomase posesión como novo director xeral da CRTVG, unha proposta do Goberno da que se desmarcaron os grupos da oposición, PSdeG e BNG.


1.57/5 (7 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: