Vieiros

Vieiros de meu Perfil


Edición xeral

RSS de Edición xeral
Oposicións

As probas selectivas do Consorcio de Igualdade poden seguir adiante

Dous xulgados composteláns desestimaron as solicitudes de suspensión cautelar presentadas por CSI-CSIF.

Redacción - 18:00 01/06/2009

As convocatorias de oposicións ao Consorcio Galego de Servizos de Igualdade e Benestar non teñen xa obstáculo para seguir adiante. Dous xulgados do contencioso administrativo desestimaron as solicitudes de suspensión cautelar interpostas polo sindicado CSI-CSIF.

Os autos consideran que prima o interese público en que continúen os procesos para asignar 344 postos de traballo fixo, 10 nos servizos centrais, 184 en galescolas e 150 en centros de atención a persoas maiores. As prazas ofertáranse o 30 de decembro de 2008.

O xulgado número un do contencioso-administrativo desestimou a suspensión cautelar das convocatorias de persoal técnico de servizos centrais e non técnico de centros de maiores, e o número dous para as convocatorias de persoal técnico de centros de maiores e persoal de galescolas.

Os autos baséanse, entre outros fundamentos, en que "é evidente que afectando tal resolución a unha pluralidade indeterminada de persoas, estas terceiras persoas resultarían afectadas coa paralización interesada" e que "non se pode falar neste suposto litixioso dunha imposibilidade de reparación futura do prexuízo que supón á recorrente a continuación deste proceso selectivo, polo que debe prevalecer o interese público".

Segundo indica o Consorcio, o proceso, negociado coas forzas sindicais con representación no comité de empresa (CIG e UXT), pretende eliminar a temporalidade duns postos de traballo que, en moitos casos, rematan este verán. Contra as catro convocatorias da oferta complementaria de emprego interpuxéronse cinco recursos por parte de CSI-CSIF, que non conta con representación no Consorcio, e que seguen o seu trámite. Porén, isto non impedirá que os procesos selectivos sigan o seu curso.


4.83/5 (6 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: