Vieiros

Vieiros de meu Perfil


Canal Verde

Xestionado pola Federación Ecoloxista Galega e Vieiros
RSS de Canal Verde
Entrega o sábado 6

O Grelo Verde e a alcaldesa de Cangas reciben os premios Semente e Cemento

Verdegaia entrega os seus premios anuais, a xornada seguinte ao Día Mundial do Ambiente, á mellor e á peor actuación ambiental do ano.

Redacción - 17:45 04/06/2009

Verdegaia entregará este sábado os seus premios Semente e Cemento 2009, que distinguen a mellor e á peor actuación ambiental do ano. Desta volta, os galardoados son, na parte positiva, a asociación para o desenvolvemento rural sustentábel O Grelo Verde, e, na parte negativa, a alcaldesa de Cangas, Clara Millán.

A entrega dos premios terá lugar a xornada seguinte ao Día Mundial do Ambiente. Será no decurso dun xantar que terá lugar na Troita Armada, na compostelá rúa do Pombal. O Grelo Verde foi merecedor do premio Semente polo seu traballo de divulgación e construción de alternativas para avanzar na sustentabilidade e revivir o medio rural. Entre as iniciativas que máis salienta Verdegaia estivero a de apoiar comedores escolares ecolóxicos.

O premio Cemento correspondeulle a Clara Millán por ter chegado ao goberno municipal opoñéndose ao Proxecto Massó e non ser quen agora de paralizar as obras do porto deportivo do Salgueirón, cun grave impacto ambiental e social.


4,62/5 (13 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: