Vieiros

Vieiros de meu Perfil


Edición xeral

RSS de Edición xeral
Eleccións Europeas

O PP é a forza máis votada no conxunto do Estado

Os populares apañan 23 escanos, con medio millón de votos por riba dos socialistas (21 asentos).Os populares apañan 23 escanos, con medio millón de votos por riba dos socialistas (21 asentos).

Redacción - 22:10 07/06/2009

Á espera de completar o escrutinio, destaca a nivel estatal a forte caída experimentada polo PSOE, arredor de cinco puntos porcentuais, 700 mil votos por baixo das cifras marcadas en 2004, cando 6,7 millóns de electores (o 43,46%) lle outorgara o seu apoio aos socialistas. O PSOE obtén deste xeito un total de 21 escanos (en 2004 gañara 25) **

Nese escenario, o PP convértese na forza máis votada mantendo practicamente os mesmos números conseguidos hai cinco anos, cando 6,3 millóns de votantes escolleran a papeleta dos populares (o 41,21%). O PP chimpa así aos 23 escanos no Europarlamento. No conxunto do Estado o PP obtivo o seu mellor resultado porcentual en Murcia (máis do 60%). Alén de en Galiza, os populares chimparon a barreira do 50% tamén na Comunidade Valenciana, Cantabria, Castela e León, Castela-A Mancha e A Rioxa. 

Como terceira lista máis votada aparece a Coalición por Europa (CiU e PNV fundamentalmente e CC), que iguala practicamente os datos marcados por Galeusca hai cinco anos e colleita 2 escanos. Atrás chega IU-ICV, que malia perder case cen mil votos consegue 2 escanos no Parlamento Europeo. Como quinta forza e máis de 400 mil votos aparece UpyD, que deste xeito obtén representación e levará un eurodeputado. Finalmente, a sexta forza é a coalición Europa dos Pobos (na que se integra o BNG), que sobe dos 380 mil votos e consegue o asento prognosticado. A máis distancia e xa sen representación, a sétima forza en liza é a Iniciativa Internacionalista, con algo máis de 170 mil votos. 

**En 2004 o Estado Español escollía 54 escanos para o Parlamento Europeo. En 2009 só se reparten 50 asentos. 


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: