Vieiros

Vieiros de meu Perfil


Europeas 2009

RSS de Europeas 2009
Eleccións Europeas

A dereita avanza na Eurocámara

As formacións conservadoras manterán a hexemonía no Parlamento Europeo.As formacións conservadoras manterán a hexemonía no Parlamento Europeo.

Redacción - 23:30 07/06/2009

A fortaleza dos partidos gobernantes da dereita en Alemaña e Francia, dous dos países que máis eurodeputados envían ao Parlamento Europeo, racha significativamente a que semellaba ser tendencia dos electores ao castigo ás formacións que ostentan o poder no conxunto da Unión Europea no actual escenario protagonizado pola crise económica. 

Á espera de completárense os resultados, as proxeccións que xa poden realizarse apuntan a un Parlamento Europeo dominado por formacións conservadoras. Do total de 736 escanos a repartir, o Partido Popular Europeo obtén a maior colleita, cunha marxe que podería acadar até 273 asentos. Atrás deles, o Partido Socialista Europeo podería conseguir até 165. A terceira forza na Eurocámara sería a Alianza dos Demócratas e Liberais, que chegaría a 84. 
Os Verdes-Alianza Libre Europea (formación á que está vencellado o BNG) completaría até 57 escanos segundo as primeiras proxeccións. A Esquerda Unida Europea-Esquerda Verde móvese nun abano que na marxe superior pararía nos 37 eurodeputados. Igual número sería o teito posíbel para a Unión para a Europa das Nacións. Por último, a formación Inndependencia-Democracia obtería un máximo de 19. Sen vencello directo en principio a ningún destes grupos aparece unha marxe de entre 80 e 89 eurodeputados. 

**Cada grupo político debe ter cando menos 25 eurodeputados. Ademais, estes deberán proceder dun mínimo de 7 diferentes Estados membros. 


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: