Vieiros

Vieiros de meu Perfil


Europeas 2009

RSS de Europeas 2009
Eleccións Europeas

Grecia e Dinamarca votan socialdemócrata; en Austria e Hungría gañan os conservadores

Amplo triunfo conservador en Polonia e tamén vitoria da dereita en Bulgaria.

Redacción - 00:50 08/06/2009

Os socialistas do PASOK impuxéronse en Grecia, co 36,18% dos votos, aos conservadores, actualmente no goberno liderado polo primeiro ministro Costas Caramanlis, que colleitaron o 34% dos votos, pronunciado descenso respecto ás cifras da anterior cita coas urnas. Con estes números, ambos os dous partidos conseguen o mesmo número de escanos, oito cada un. Conseguen tamén representación os comunistas, a estrema dereita e a esquerda do Syriza.  

A oposición socialdemócrata tamén venceu en Dinamarca, malia que sentará na Eurocámara tres eurodeputados, os mesmos que os liberais, actualmente no goberno. Conservadores e Verdes obtiveron dous escanos cada un. 

En Polonia, a Platforma Obywatelska apañou o 45,3% dos votos e sentará no grupo do Partido Popular Europeo un total de 24 eurodeputados que compartirán banco cos 4 obtidos neste mesmo país polo PSL. O resto repártenos o Pawo i Sprawiedliwość, 16 escanos, (integrado na UEN) e os socialistas da SLD-UP, 6 asentos. 

Os socialistas saen como forza máis votada en Suecia, colleitando 5 escanos, por 4 do centrodereita gobernante. Destaca ademais que os ecoloxistas dobran porcentaxe de voto e obteñen 2 escanos e que o Partido Pirata terá asento no Parlamento Europeo. 

En Finlandia, o partido do primeiro ministro Matti Vanhanen colleitou 3 escanos, os mesmos que os seus socios conservadores. Consegue tamén asento a Liga Verde. 


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: