Vieiros

Vieiros de meu Perfil


Máis Alá

Xestionado por Vieiros
RSS de Máis Alá
No centenario do seu nacemento

Seis cidades do país pídenlle á Academia que dedique as Letras de 2010 a Carvalho Calero

As concellarías de Cultura da Coruña, Ferrol, Compostela, Pontevedra, Vigo e Ourense demandan que sexa homenaxeado no 20 aniversario do seu pasamento.

Redacción - 20:00 17/06/2009
Na presentación da carta, en Compostela

Na presentación da carta, en Compostela

As concellarías de Cultura da Coruña, Ferrol, Compostela, Pontevedra, Vigo e Ourense asinaron na mañá da cuarta feira unha carta destinada á Real Academia Galega (RAG) solicitándolle que o Día das Letras do ano que vén sexa dedicado ao intelectual Ricardo Carvalho Calero.

Durante unha xuntanza mantida no Concello de Santiago, os responsábeis das seis cidades consensuaron un texto no que se adhiren a esta petición, que xa fora realizada por outros grupos, e que faría coincidir esta homenaxe co centenario do nacemento do pensador. Nesta liña, explicaron que "a pegada intelectual e o compromiso" de Carvalho Calero "pode atoparse en toda Galiza", e, como mostra diso, estas seis cidades piden que as Letras de 2010 se dediquen á súa figura, para axudar a "difundila", "profundar no coñecemento da súa obra" e "contribuír ao engrandecemento da cultura galega".

Segundo explican na misiva, Carvalho Calero, do que se cumpren case 20 anos da súa morte, tivo "unha das máis completas e extensas traxectorias vitais en defensa da cultura galega" e converteuse en "unha das figuras fundamentais no campo da literatura e da lingua". Parte implicada na elaboración do Estatuto de Autonomía, Ricardo Carvalho Calero tivo unha activa militancia republicana pola que foi condenado durante a Guerra Civil a doce anos de prisión, tras o que continuou co que foi o seu principal labor ao longo da súa vida: a docencia. No ano 1958 Carvalho Calero ingresou na Real Academia Galega e foi proposto para a súa presidencia en 1977, aínda que rexeitou o cargo. Ensaísta, novelista, autor teatral, poeta, filólogo e profesor, Carvalho Calero é, como recolle a carta, "unha figura crave para entender a investigación lingüística e literaria galega".


4,75/5 (16 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Ricardo Carvalho Calero
Ricardo Carvalho Calero
Unha pintada, demandando as Letras para Carvalho Calero, feita en Lugo polo CS Mádia Leva
Unha pintada, demandando as Letras para Carvalho Calero, feita en Lugo polo CS Mádia Leva