Vieiros

Vieiros de meu Perfil


Edición xeral

RSS de Edición xeral
SEN PRECEDENTES

Obama impulsa a maior reforma financeira dende os anos trinta

Aumenta o poder da Reserva Federal, que controlará o risco da banca e as reservas de capital.

Redacción - 10:00 18/06/2009

Outorgar máis instrumentos ao goberno para controlar ou mesmo para liquidar grandes empresas que poidan poñer en perigo a economía do país en caso dunha bancarrota. Ese é o obxectivo da reforma do sistema financeiro estadounidense que acaba de anunciar o presidente Barack Obama. Busca restaurar a confianza no sistema, evitar que unha crise como a actual volva a producirse e dotar ao país dun sistema de control máis parecido ao europeo.

A Reserva Federal terá máis poder para supervisar e intervir nos mercados; as firmas financeiras someteranse a máis control público; o plan crea unha nova axencia de protección dos consumidores e avoga por unha maior transparencia nas normas tanto internas como internacionais. O proxecto deberá agora ser aprobado polo Congreso, e parte da premisa de que a crise se xerou por mor dun sistema baseado no "diñeiro fácil", en palabras do propio Obama, que levou canda si unha "era de irresponsabilidade que as autoridades non souberon, puideron ou quixeron atallar".


Ligazóns

0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: