Vieiros

Vieiros de meu Perfil


Edición xeral

RSS de Edición xeral
POR UNANIMIDADE

A obra de Man de Camelle, un ben a protexer

O Parlamento instará á Xunta a que realice antes de seis meses un estudo de catalogación da súa obra.

Redacción - 17:40 19/06/2009
Tags: BIC Camelle Man
Xa pasaron seis anos dende a morte de Man

Xa pasaron seis anos dende a morte de Man

Seis anos despois da súa morte, a pegada do alemán de Camelle podería acadar o recoñecemento e a protección que veñen reclamando diferentes colectivos. Os tres grupos con representación parlamentaria aprobaron por unanimidade no Parlamento instar á Xunta a que realice antes de seis meses un estudo de catalogación da obra de Man e que, posteriormente, analice a pertinencia de protexer o seu legado mediante a declaración como Ben de Interese Cultural (BIC).

Proposta do PSdeG
Houbo unanimidade de todas as forzas, mais a iniciativa foi presentada pola deputada socialista Concepción Burgo, quen chamou a atención sobre o valor deste conxunto de esculturas, pinturas e escritos como "obra única nas súas características", así como subliñou a súa relación co modelo artístico de Land Art. Ao tempo, fixo fincapé no potencial económico do conxunto para atraer ao turismo.

Pola súa parte, a nacionalista, Ana Pontón, concordou en subliñar "a relevancia e importancia da obra de Man" e engadiu unha emenda á proposición na que solicita á Xunta "un papel activo coas institucións e asociacións que traballan para a conservación desta obra". E polo PP, a deputada Marisol Piñeiro pediu "pasos firmes e mediatos". "Toda a protección da obra de Man atópase nun estado moi inicial", dixo, polo que considerou "precipitado" instar á Xunta a esa declaración, sen facer unha análise previa pormenorizada.


Ligazóns

3,67/5 (3 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: