Vieiros

Vieiros de meu Perfil


Edición xeral

RSS de Edición xeral
Sinalan que se parece demasiado á do PPdeG

Denuncian o "uso partidista" da web da Xunta "para atacar" os deputados socialistas e nacionalistas

O grupo do PSdeG preguntará no Parlamento sobre a emisión de comunicados oficiais "nos que se confunde as institucións cun partido político".

Redacción - 09:00 22/06/2009

O voceiro da área institucional do Grupo Parlamentario Socialista, Xosé Manuel Lage, denunciou o "uso partidista" das institucións por parte do Goberno presidido por Alberto Núñez Feijoo e, en concreto, reprochoulle ao PPdeG que se empregue a web da Xunta "para atacar a deputados socialistas e nacionalistas".

Así o expón nunha iniciativa parlamentaria Lage, segundo informou hoxe o PSdeG nunha nota de prensa. A vindeira cuarta feira o voceiro da área institucional formulará no Parlamento unha pregunta oral "urxente" sobre a emisión de comunicados oficiais "nos que se confunde as institucións cun partido político".

Os socialistas consideran "extremadamente grave" que "o PPdeG empregue" os medios do Goberno para "enfrontarse" a outras forzas políticas. "A web da Xunta parécese máis á do Partido Popular que á dunha institución que represente a todos os cidadáns", láianse.

Lage expón na súa iniciativa parlamentaria unha serie de exemplos que se poden constatar, segundo precisa, "a través da web oficial da Xunta" e nos que se pode observar como se utilizan os comunicados oficiais para atacar" os deputados da oposición. Alén disto, Lage critica o presidente galego por non ter "comezado a gobernar" após dous meses no poder, e critica que obviase o "código ético" ao que se referiu durante o seu discurso de investidura.


4.6/5 (10 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: