Vieiros

Vieiros de meu Perfil


Edición xeral

RSS de Edición xeral
IMPORTANCIA DO LEITE UNICLA

Feiraco recibe o Premio Europeo á Innovación Cooperativa

O Comité Xeral do Cooperativismo Agrario entregoulle este premio inédito que non se volverá a ofrecer até o ano 2011.

Redacción - 18:13 24/06/2009
Á esquerda Xosé Antón Casais, presidente de Feiraco, e no medio Xosé Lois Antuña, director xerente da empresa

Á esquerda Xosé Antón Casais, presidente de Feiraco, e no medio Xosé Lois Antuña, director xerente da empresa

Feiraco recibiu este mércores o Premio Europeo á Innovación Cooperativa polo anovamento alimentario ao que contribuíron de xeito decisivo medidas como o leite Unicla. É a primeira vez que se entrega este premio e concédeo o Comité Xeral do Cooperativismo Agrario (Coxeca) representante deste tipo de modelos na Unión Europea, no que participan 40 mil entidades.

O galardón concedeuse no medio dunha cerimonia extraordinaria organizada para celebrar o 50º aniversario de Coxeca e louva a investigación e innovación aplicada por Feiraco coa intención de incrementar a súa produtividade e exclusividade empresarial. Ademais, coa concesión deste recoñecemento o Comité Xeral do Cooperativismo Agrario coloca a cooperativa galega como un modelo para o resto de entidades europeas que pretendan aumentar a súa competitividade.

Unha das medidas que mellores resultados produciu foi o lanzamento, o pasado verán, dun novo tipo de leite especialmente respectuosa co noso aparello cardíaco, e que levou por nome Unicla. Con este leite Feiraco utilizou como vehículo a alimentación natural e saudábel das vacas para acadar leite con graxas moito menos saturadas. O factor diferencial deste innovador proxecto constitúeo o feito de alimentar as vacas con sementes de liño, reproducindo o sistema tradicional de alimentación do gando e alongando o perfil de nutrientes da herba verde durante todo o ano.

O premio recollérono o presidente de Feiraco, José Antonio Casais, e o diretor xeral da cooperativa, José Luís Antuña.


4.7/5 (10 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: