Vieiros

Vieiros de meu Perfil


Edición xeral

RSS de Edición xeral
A Defensa di que será "dificilmente recorríbel"

O xuíz anula o proceso por suposta corrupción no Concello de Mugardos

Estima que as escoitas telefónicas que levaron ao rexistro de domicilios e á detención de varias persoas non contaban con probas suficientes.

Redacción - 18:30 24/06/2009
A raíz da 'Operación Virgin', tres persoas foron detidas e outras dúas, entre estas o alcalde, imputadas

A raíz da 'Operación Virgin', tres persoas foron detidas e outras dúas, entre estas o alcalde, imputadas

O Xulgado de Instrución número 4 de Ferrol considerou nulas as dilixencias instruídas en 2007 sobre a suposta trama urbanística en Mugardos, coñecida como Operación Virgin, que supuxeron a detención dun policía local, un aparellador e unha arquitecta, ademais da imputación do alcalde Xosé Fernández Barcia e da aparelladora municipal.

O xuíz estima que as escoitas telefónicas que se realizaron non contaban con probas suficientes, polo que o Tribunal entende que as intervencións vulneraron o dereito ao secreto das comunicacións, algo xa solicitado pola Defensa en ocasións anteriores.

Os avogados tamén argumentaran que non existían indicios relevantes de delito para o auto e que, se ben se falaba de prevaricación, suborno, e tráfico de influencias, o xuíz xa limitara a imputación a este último delito.

Auto recorríbel

Aínda que a resolución xudicial non é firme e podería ser recorrida polo Ministerio Fiscal na Audiencia Provincial. O fiscal Román Ruiz podería recorrer a decisión xudicial, se entende probado que existiu un trato de favor a empresas privadas dende os servizos de urbanismo municipais.

Porén, o letrado Ricardo Pérez Lama destacou esta cuarta feira en rolda de prensa que o auto é "impecábel en fundamente xurídico", "exhaustivo" e "dificilmente recorríbel". "É o principio da fin dun pesadelo", que fixo correr, segundo dixo, "ríos de tinta" e provocou unha grande "alarma social".


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: