Vieiros

Vieiros de meu Perfil


Galego.org

Xestionado por Vieiros
RSS de Galego.org
EN SILLEDA

Celébranse as primeiras oposicións sen proba en galego

En virtude da resolución publicada este venres no DOG, os aspirantes poden escoller a lingua na que examinarse.

Redacción - 12:00 27/06/2009
Os opositores acreditarán o seu coñecemento do galego co certificado Celga 4 ou similar

Os opositores acreditarán o seu coñecemento do galego co certificado Celga 4 ou similar

A decisión do goberno galego de eximir dunha proba obrigatoria en lingua galega para acceder a un posto de traballo na administración pública é xa unha realidade práctica. Este novo contexto é no que se examinan este sábado un total de 3.773 persoas que aspiran a facerse con unha das 1.002 prazas de persoal facultativo do Servizo Galego de Saúde.

A resolución, que foi aprobada no Parlamento co único voto do Partido Popular, foi publicada no Diario Oficial de Galiza (DOG) deste venres e recolle a garantía "da liberdade de elección da lingua no segundo exercicio da fase de selección". Polo tanto, esta proba xa non deberá ser contestada exclusivamente en galego. Doutra banda, o texto garante que os aspirantes que acrediten posuír o certificado Celga 4 ou equivalente quedarán exentos de realizar o terceiro exercicio, un exame que acredita o coñecemento da nosa lingua.

Este exames forman parte do concurso oposición convocado para a categoría de facultativo especialista da área de diversas especialidades, como médico de urxencias, médico de familia de Atención Primaria, pediatra, farmacéutico, odontólogo e médico coordinador do 061.

  • Podes ler aquí a resolución do Diario Oficial de Galiza. Venres, 26 de xuño de 2009. DOG nº 124 (páxina 69).


Ligazóns

3,5/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: