Vieiros

Vieiros de meu Perfil


Edición xeral

RSS de Edición xeral
Golpe de Estado

Zelaya adía o seu regreso a Honduras logo do ultimato de 72 horas da OEA

Estaba previsto que o presidente regresase esta quinta feira, mais agardará a que expire o prazo dado pola Organización de Estados Americanos aos golpistas.

Redacción - 17:45 01/07/2009
Zelaya, este martes na ONU

Zelaya, este martes na ONU

O presidente constitucional de Honduras, Manuel Zelaya, regresará ao seu país esta fin de semana, segundo dixo a súa esposa, Xiomara Castro, nunha entrevista coa radio colombiana RCN. "O pobo estaba esperando" que o regreso do mandatario deposto se producise esta quinta feira.

Porén, logo do ultimato de 72 horas dado pola Organización de Estados Americanos (OEA) aos golpistas para a súa restitución, o propio Zelaya afirmou en Washington que regresará unha vez expire o prazo se non se volve á legalidade constitucional.

A Asemblea Xeral da OEA adoptou unha resolución de cinco puntos onde condena "enerxicamente" o golpe militar do domingo, exixe a restitución "inmediata, segura e incondicional" de Zelaya e rexeita o Goberno formado polo novo presidente, Roberto Micheletti.

"A nós sorprendeunos a posición das Forzas Armadas, o xefe das Forzas Armadas mantiña contacto case diario connosco", comentou Castro de Zelaya. "Fíxose unha cortina de fume, trataron de desvirtuar, déronse mentiras" sobre a enquisa non vinculante convocada, afirmou.


3,67/5 (3 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: