Vieiros

Vieiros de meu Perfil


Edición xeral

RSS de Edición xeral
Cidade da Cultura

O PSdeG pide "un protocolo como o do AVE" para ter o Gaiás listo en 2015

O seu portavoz parlamentario di que transformarán as peticións do Concello de Compostela en iniciativas na Cámara.

Redacción - 19:00 09/07/2009

O Grupo Parlamentario do PSdeG e o alcalde do Concello de Compostela, o socialista Xosé Sánchez Bugallo, reclamáronlle esta quinta feira á Xunta que plasme nun "protocolo", como o documento asinado "para o AVE", o compromiso de que a Cidade da Cultura estea lista en 2015.

O portavoz do grupo, Xaquín Fernández Leiceaga, afirmou logo dunha xuntanza co mandatario compostelán que esta reclamación será trasladada ao Parlamento a través de iniciativas, ao igual que outras que afectan a capital do país, mais dende un punto de vista nacional.

Pola súa banda, Sánchez Bugallo sinalou que o prazo de 2012 para a Cidade da Cultura, ao igual que o do TAV á Meseta (previsto para 2015), "non é críbel", polo que exixiu prazos "realistas" e non deixalo nun "xa se verá".

Ambos os dous dirixentes socialistas fixeron fincapé na necesidade de concluír e acondicionar os accesos por estrada a Compostela para o Xacobeo 2010, especialmente o enlace da AP-9 co Gaiás.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: