Vieiros

Vieiros de meu Perfil


Edición xeral

RSS de Edición xeral
Manuel Barro, ex xerente da filial de Pescanova

Reaccións á vinculación do delegado da Xunta en Uruguai coa pesca ilegal

O PSdeG exixe a comparecencia parlamentaria do conselleiro da Presidencia para aclarar a presenza do designado nunha "lista negra" internacional.

Redacción - 19:40 21/07/2009

A secretaria de Emigración do PSdeG, Laura Seara, pediu este martes a comparecencia no Parlamento do conselleiro da Presidencia, Afonso Rueda, pola presenza do novo delegado da Xunta en Uruguai, Manuel Barros, en "listas negras" internacionais de pesca ilegal, tal e como denunciou este xornal a semana pasada.

Seara sinalou que Rueda "debe comparecer e aclarar se realmente o delegado que nomeou a Xunta fixo prácticas ilegais e a súa relación cun buque que foi apresado por pescar sen o correspondente permiso". Así mesmo, instouno a dar explicacións sobre as vinculacións con outros buques sospeitosos.

"É unha absoluta falla de respecto aos emigrantes" que por unha banda "desmantelen as sedes das delegacións da Xunta e as trasladen aos centros galegos dirixidos por militantes do PP", e por outra "designen unha persoa como delegado que figura nunha lista negra internacional por pesca ilegal", sinalou a socialista.

"Devolvendo favores" e "premiando amigos"

Para a secretaria de Emigración do PSdeG, isto "demostra" cal é o criterio que segue o PP á hora de designar aos delegados, "premiando os seus amigos" e "devolvendo favores", en troques de "ter en conta a súa profesionalidade".

Neste senso, sinalou que hai "unha amizade máis que contrastada" entre o presidente do Goberno , Alberto Núñez Feijóo, e Barros, polo que instou o PP a aclarar os criterios da súa designación "se foi por amizade, negocios ou o polo seu coñecemento da emigración e da xestión pública".


5/5 (1 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: