Vieiros

Vieiros de meu Perfil


Barcelona

Edición xestionada por Xabier Paradelo
RSS de Barcelona
CGB, 25 DE XULLO, 20 H

O Centro Galego presenta a revista "Alborada" o Día da Patria

A publicación anual do CGB estrea un novo formato e conta cun abundante e variado elenco de colaboracións.

Redacción Barcelona - 21:00 23/07/2009

A edición de hogano da revista "Alborada" do Centro Galego de Barcelona repasa a actividade do centro nesta tempada, dende os Ciclo de Jazz até as representacións teatrais e as exposicións, sen esquecer as actividades dos grupos estables de música e danza. A partir das abundantes colaboracións na revista, poderase saber sobre a historia do mesmo edificio do Centro, vinculado ao Palau Güell, e coñecer detalles históricos do barrio do Raval e das Rambles, co que a revista vai dar unha visión diacrónica e sincrónica deste emblemático espazo galego-catalán. Conta tamén cun bo número de artigos sobre lingua, política, cultura, sociedade, música..., nos que se enlazan temas de interese que non fican só ao redor da galeguidade.

Alén de asistir á presentación da revista "Alborada" e celebrar o Día da Patria, estes días pódese visitar no CGB a impresionante exposición "Mercedes Núñez Targa: O valor da memoria", que percorre a vida e o activismo político desta loitadora antifascista polas liberdades civís contra os réximes de Franco e Hitler, supervivente aos campos de concentración nazis e socia do Centro Galego.

Celebración do Día da Patria Galega
Presentación da revista "Alborada" do Centro Galego de Barcelona

Sábado 25 de xullo, 20 h


Exposición: "Mercedes Núñez Targa: O valor da memoria"

Até o 30 de setembro.
De luns a domingo de 17 a 22 h.

Sala Ferrío. Centro Galego de Barcelona

La Rambla, 35-37, Barcelona. Metro Liceu (L3)


5/5 (5 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: